圖片來源: 你估下 農曆新年剛結束時全亞洲等地都出現口罩供應不足既問題。 踏入二月尾，口罩的供應開始漸增，大家由”冇得揀”變到”唔知點揀”。最近亦有朋友問酋長應該點揀，所以我打算係到開心分享~ 有時我地正係睇佢有冇標準其實未必可以判斷到係現在既情況岩唔岩用，所以我建議唔好嫌煩去望真個標準係點。 宜家主要既口罩標準有兩種，工業用既就跟NIOSH (N95, P100果類），醫學用既就主要跟ASTM (有BFV, PFV果類）。 NIOSH 入面既口罩之所以可以用係因為物理層面上可以隔到比飛沬細既粒子，包括細菌。佢既準則係用0.2微米既粒子去試，最少95%隔到就叫N95/P95/R95，英文字頭就係代表粒子或者環境氣體既屬性，N就係一般，P就係油性，R就偏向酸性。冠狀病毒既大小係0.07-0.14微米，理論上N95既標準唔保證隔到但實際上個病毒會痴住個有5-10微米既飛沬，所以都當佢可以隔到，其實有d自欺欺人。如果你話個目的係要隔飛沬，一般可以隔PM2.5粒子（2.5微米）既口罩已經足夠。 ASTM佢有三個層級，而區分層級既criteria有5項其中得2項同過濾效能有關： 1.細菌過濾效率（BFE) 用3微米既金黃葡萄球菌試佢。 2. 粒子過濾效率 （PFE) 用0.1微米既粒子去試，甘既大小叫做合理d話可以隔到病毒。 另外幾樣就係佢既抗飛淺，可呼吸度同阻燃性，層級愈高，佢既抗飛淺效能愈大，同時個可呼吸度都會下降。

Continue reading【武漢肺炎專題】如何選擇口罩

真正殺死人既唔係病毒，而係政治、社會文化同人民既劣根性。 估唔到一個肉眼睇唔到既病毒，令我地係好短既時間內見盡人性既醜惡同行政機構荒唐既處事態度。以為收收埋埋冇人知就可以大事化小小事化無既政權、極易被誤導又極速反應既同胞、又自私又唔合作既病人、趁火打劫仲要賣假野既藥房、網上口罩訂購既騙徒、排勁耐隊都買唔到口罩要拆人地鋪既廢老、on9既防疫機制…   酋長早前已經出過post指內地永遠出事都封鎖消息係會令到疫情一發不可收拾。果然，武漢封城，湖南亦都相繼傳出有禽流感，連狄爽都認低威話會同國際聯手抗疫…   另外，市面上充斥住好多無良商人趁機發國難財，炒賣口罩及誤導市民購買不合適、不合標準既口罩，需要既人冇得用。甚至有d低能議員叫人去蒸完個口罩番用，甘都講得出真係好肉酸。   其實大家都可以好容易就搵到關於武漢既醫院入面既程況，一街都係冇戴口罩既人塞左係個醫院到，地上既屍體冇時間處理，內地律師陳秋實早前亦都係佢既視頻話見到醫院門口成地都係用過既口罩，d老人家照樣隨地吐痰。 安全既環境，嚴謹既衛生規格唔係戴左個口罩就做到。若果病人懂得正確既個人衛生概念、顧及自己同其他人既健康，口罩既保護性先能夠得以發揮。   早前醫管局既記者會都有交代過口罩既規格其實冇一個統一既標準，到到地方都唔同，所以酋長都冇辦法話你知邊d係合格。酋長都明白大家咩都搶，覺得就算唔合規格既，都係有好過冇，所以關於選購口罩我只可以作以下既提醒： 其實正確既口罩用法係：病人戴外科口罩去保護身處既環境免受飛沬污染而N95 口罩係保護健康既人免受環境存在既病毒/細菌感染。 好多uncle 都唔識用外科口罩，記得鐵線向上時摺疊縫向下、 深色果面係向外，不過如果你已經內外反轉左就算…唔好再即刻反轉用番… 用N95前需要做一個測試去證明你用該款既N95可以得到原廠保證既效能。你冇做過fit test 就去用N95，等於比錢買唔確定既保障，錢又比左，未必保護到自己又鼓吹口罩既炒賣情況。 N95

Continue reading【武漢肺炎專題】口罩的應用及正確防疫意識